• إضغط لتحميل الأبلكيشن Android | IOS

شوية حاجات محتاج تعرفها قبل ما تبدأ شغلك الخاص؟

by info@eTawredat.com . on January 25, 2022
السلام عليكم ورحمة الله وبركاته
بصراحة مش حابين نطول عليكم وهندخل في الموضوع على طول دلوقتي أغلب الناس بتفكر أنها تبدأ شغلها الخاص وتشتغل لحساب نفسها حتى لو كانت شغالة في مكان بيكسبوا منه دخل ثابت وده لأن العمل الخاص بيكون مريح أكثر يعني من الأخر بتكون مدير نفسك بس قبل ما تاخد خطوة ذي دي في حاجات كتير لازم تكون عامل حسابها زي:
هل أنت قادر فعلاً أنك تبدأ شغلك الخاص أو مشروعك الخاص؟
هل هتقدر توفر لنفسك بيئة العمل المناسبة عشان تبدأ الشغل ده؟
هل أنت مخطط وحاطط جدول زمني تقديري هتقدر تستحمل قد إيه وقت لحد ما تلاقي أول عميل وتبدأ تشتغل فعليا؟
هل هتقدر توفر ألادوات و المعدات الخاصة بالشغل ده؟
وبأفتراض أنك عارف وعامل حساب كل ما سبق هل أنت جاهز مادياً وفكرياً أنك تبدأ؟
يعني لو أنت بأفتراض مهندس ميكانيكي وشغال في ورشة قررت أنك تفتح الورشة الخاصة بك فأنت محتاج شوية حاجات أساسية زي:
- المكان: مكان الورشة اللي هتفتحها لازم يكون مكان حيوي وفي نفس الوقت ماتفتحش جنب ورشة تانية عارف انها هتقطع عليك في الشغل أختيار المكان مهم جداً لازم تحسبها صح.
- ألادوات و المعدات: في أغلب الأحيان الشخص اللي بيبدأ مشروع بيفتكر أنه في الأول مش محتاج يجهز نفسه بمعدات وأدوات ممتازة أو اللي هى معدات من الأخر بس ده مفهوم خطأ لأن بالعكس يعني أنت شخص لسة بيبدأ و عامل في حسابة زي ما قولنا فوق مُستعد مادياً أنك تفتح ورشتك.
فا لازم تجهز نفسك بأحسن المعدات عشان تفضل مكملة معاك أطول مدة ممكنة مش محتاج تغيرها لأنك هنا بتبص للمدى البعيد مش القريب لأن لو أنت جهزت نفسك بمعدات شغالة زي ما بيقولوا هتيجي بعد وقت قصير محتاج تغيرها فتلاقى نفسك دفعت أكتر ما كنت هتدفع في معدات وأدوات تانية كانت ممكن تعيش معاك أكتر بكتير.
عشان كده بننصح دائماً اصحاب المشروعات الصغير أو الجديدة أنه مش لازم يجيب مكان كبير بس يجيب مكان حيوي.
مش لازم تجيب معدات كتير مش قد كده لكن لازم تجيب معدات أساسية تعيش معاك.
وأهم حاجه ماتسيبش شغلك اللي بتكسب منه فلوس ألا لو كنت متأكد أنك هتقدر تصرف على نفسك من مشروعك الخاص
لأن في بعض الأحيان بيكون الحصول على أول عميل صعب جداً بس صدقني أول ما بيجى الموضوع بيبدأ يكون مريح وأهم حاجة في مجال العمل الحر هو الكلمة والسمعة الطيبة
يعني راعي ربنا في عملك وربنا هيرزقك.
LEAVE A COMMENT

Please note, comments must be approved before they are published